नेवाः अर्गनाईजेशन अफ न्यू ईंग्लैण्डको आयोजनामा यहि जून २९ तारिख २०१४, मा समे बजी (नेवारी प्रसाद)कोस्थानिय फिलिपिलो पार्क, वाटरटाउनमा आयोजना गरियो । बष्टन बरिपरिका बिभिन्न समुदायका ३२४ जना सहभागी रहेको उक्त कार्यक्रममा निलम श्रेष्ठ द्वारा निर्मित "समे बजि द्वों" (परम्परागत शैलीको समे बजि को राश) ले सबैको ध्यान तानेको थियो । अमेरिकामा पनि यस्तो परम्परागत तरिकाले निर्माण गरिएको र प्रयोग गरिएका सामाग्रीको निकै रुचीकासाथ हेरिएको थियो ।
परम्परागत नेवारी समे बजिमा चिउरा, भटमास, छोयला, मुलाको अचार, बोडी, आलुदम, र बारा समाबेश गरिएको थियो ।
आयोजक मध्येका गुभाजु श्री समन्त बज्राचार्यले भगबान गणेशको पूजाबाट शुभारम्भ गरिएको कार्यक्रममा कोखा (घांटीमा लगाउने रातो कपडा) र टीका लगाई दिएका थिए ।
उक्त संस्थाका अद्यक्ष कुमार सिन्दूराकारले सहभागीहरुको सद्भाब र स्वंयसेबीहरुको लगन र मिहेनत बिना यो स्तरको कार्यक्रम सम्भब नहुने बताए भने, संयोजक निराज श्रेष्ठले धन्यबाद ज्ञापन गरेका थिए ।नेवारी भेषभुषामा उपस्थित बर्षिया सुश्री ब्रिटी प्रजापतिले नेवारी नाच नाचेका थिए ।
No comments:
Post a Comment