अमेरिकाको बोष्टन वरपर भैलीधौसी घन्कदा नेपाली कम्युनिटी सेन्टर बनाऊन यसबर्षपनि साढे पच्चिस हजार ।

यम पौडेल \ मेडिया चिफ \ प्याब्फोन बोष्टन \ २७ अक्टोबर , २०१४ अमेरिकाको बोष्टनमा पशुपतिनाथको मन्दिर र बुद्दको स्तुपा सहित नेपाली कम्युनिटी सेन्टर बनाऊने अभियानमा जुटेको पशुपतिनाथ बुद्द फाऊण्डेशन (PABFONE ) ले तिहारमा सँचालन गरेको तेश्रो बृहद भैलीधौसी बाट यसबर्षपनि २५५०१.०० डलर ऊठेको  कुरा फाऊण्डेशनका आर्थिक बिभाग प्रमुख भुवन गुरुङले बताएका छन । सबै रकम आफ्नो हात परिनसकेको भएपनि सोहि हाराहारीको बिबरण प्राप्त भएको ऊहाको भनाई छ ।

भैलीधौसी नोभेम्बर २२ तारिख शुरु भै २५ तारिख बिहान  सम्पन्न भएको थियो । पहिलो दिन बेलमोन सिटि स्थित फाऊण्डेशनका चियर पर्शन मिलन गुरुङको घरमा खेल्दा ३५४४ डलर,बेडफोर्ड सिटि स्थित एन आर एन का पुर्व अध्यक्ष प्रल्हाद के सि को घरमा १२१७ डलर,  फाऊण्डेशनको समरभिल क्षेत्रिय सव – कमिटिले ब्राडलि स्टित स्थित बिजेन्द्र प्रधानको घरमा आयोजना गरेको भैलिधौसीबाट ३६०९ डलर , टाऊनटोन सिटि स्थित ब्यबसायी शिब श्रेष्ठको घरमा २४१९ डलर,  अर्लिङटन स्थित फाऊण्डेशनका बोर्ड अफ डाइरेक्टर शम्भु अधिकारीको घरमा खेल्दा ३२१२ डलर , एभरेट सिटि स्थित फाऊण्डेशनका महासचिव ध्रुव घिमिरेको घरमा खेल्दा ३२१० डलर , फाऊण्डेशनको नरऊड मेट्रोवेष्ट सब कमिटि र हिमालय बिष्ट्रो दुवैले एकैठाऊ वेष्ट रसबरी स्थित हिमालय बिष्ट्रोमा आयोजना गरेको भेलीभौसीबाट क्रमस: ५७३७ र २५५३ डलर जम्मा हुन गै कुल जम्मा २५५०१.००. डलर जम्मा भएको हो । बिभिन्न सिटि गरि ७ ठाऊमा खेलिएको भैलीधौसीमा नेपालीहरु खचाखच थिय भने दान दक्षिणा गर्ने को भिड र कलाकारहरुको रौनक अभुतपुर्व देखिन्थ्यो ।

§  बोष्टनमा नेपाली कम्युनिटि सेन्टर को लागि तात्तिए नेपालीहरु । पशुपतिनाथ बुद्द पाऊण्डेशनको फाइव ओ वान सि थ्रि पनि आयो । भैलीधौसीले फेरि जगायो सामाजिक लहर बोष्टनमा । §  बोष्टन बरपर शहरहरुमा भैलीधौसि जम्यो, नेपालीहरु खचाखच, दान दक्षिणा गर्नेको भिड र कलाकारको रौनक । भैलीधौसीमा आऊन नपाऊनेले पनि दान दक्षिणा पठाए ।   §  पहिलो दोश्रो र तेश्रो बर्षको भैलीधौसीमा ऊठेको रकम ऊस्तै ऊस्तै । यस पटकको तेश्रो भैलीधौसी पश्चात नगद तथा बोलिएको रकम सहित फाऊण्डेशनको आर्थिक हैसियत डलरमा झण्डै ४ लाखले नाघ्ने देखियो । बोष्टनमा सबैथरि र सबै तह तप्काका नेपालीहरु फाऊण्डेशनमा देखिए, अब तत्काल घरदैलो कार्यक्रम सहित घरजग्गा को लागि काम गर्ने पदाधिकारीहरुको भनाई ।

बेल्मोनबाट शुरु भएको भैलिधौसीलाई हरेक ठाऊमा मिठामिठा सेलरोटि र नेपाली परिकार सहित स्वागत गरिएको थियो भने अन्तिम दिन वेष्ट रसवरीमा त फुल माला सहितको स्वागत थियो । दान दक्षिणा र नाङ्लो पनि दुई ठाऊको छुट्टाछुट्टै निकालिएको थियो । दान कर्ताहरुलाई एक एक गरेर गितै गितमा सम्मान गर्दै नचाऊदै जादा रातको साढे दुई बजेको पत्तै भएनछ गायक मिन के सि ले जनाए । फाऊण्डेशनको नरऊड मेट्रोबेष्ट सब कमिटि र फाऊण्डेशनका ए. भाइस प्रेसिडेन्ट राम धिताल समेतको तयारी मा जमेको अन्तिम भैली धौसीमा फाऊण्डेशनका चियर पर्शन मिलन गुरुङ , प्रेसिडेन्ट बिष्णुमणि आचार्य, महासचिव महेश्वर पन्त तथा बिरोचन नेपाल, एवँ भैलीधौसी सँयोजक धन कुमार गुरुङ समेतका पदाधिकारी बोल्दै फाऊण्डेशन तथा भैलीधौसीलाई प्रतक्ष्य वा अप्रतक्ष्य योगदान पुराऊने सबै सबै लाई धन्यबाद दिएपछि यसबर्षको भैलिधौसी सकिएको थियो ।

सुसेली समुहका प्रमुख तथा फाऊण्डेशनका भाइस प्रसिडेन्ट धन कुमार गुरुङको मुल सँयोजकत्व रहेको कलाकार टिममा धौसी गायन र बाद्यवादनको नेतृत्व कलाकार रञ्जन बुढाथोकीले ले गरेका थिए भने लोकगायन को नेतृत्व कलाकार मिन के.सी ले गरेका थिए । गितार तथा गायनमा सबैका प्रिय कलाकार रञ्जन बुढाथोकीकै रोल अग्रणि थियो भने बासुरिमा कलाकार राम थापा,सारँगी मास्प्रिङफिल्डका मनोज महत ,हारमोनियममा मा मणि लामिछाने, मादल मा सुन्दर गुरुङ , ढोलकमा हरेन्द्र चौधरी ,  गायन मै  कलाकार प्रविन परियार ,निलम खतिवडा , महेश्वर पन्त, दिपेश बजगाई समेतका गित अनि आषिस गितमा यम पौडेल, झ्यालीमा ज्ञान प्रकाश शर्मा र दिनेश पाण्डे समेतको कलाकार टिम र साउन्ड सिस्टममा मिलन कार्की  सातैठाऊमा खटेको थियो  ।

कलाकार मिन के सि को गायन कला र गितै गितले मान्छेको मन पगाल्न सक्ने खुबिले गर्दा दान लिष्ट मा रकम लेखाए पनि प्राय सबै दाताले पुन : पुन  फुल र टिप्स थपेका थिए । ठाऊठाऊका भैलीधौसीमा सयौको सँख्यामा नेपाली अनुहार भरिएका हुन्थे ,आफुशक्य दान दिएकै देखिन्थे । नया नया नृत्य, रमाईला रमाईला भाखाका गित ले साच्चिनै सबैको मन जितेको थियो बाजा गाजा सहितको भैलीधौसीलाई  टुङ्ग्याऊनै मुश्किल हुन्थ्यो धौसीघरबाट । भैलिधौसी सफल पार्न आयोजक सँस्था पशुपतिनाथबुद्द फाऊण्डेशन र अन्तरगत समरभिल तथा नरऊड क्षेत्रिय सब कमिटिका धेरैजसो पदाधिकारीहरु दिलो ज्यानले लागिपरका थिए भने बोष्टन स्थित नेपाली सँघसँस्थाका पदाधिकारी को पनि बिभिन्न ठाऊमा सहभागिता थियो ।

यसरी सम्पन्न भैलीधौसीले बिदेशमा नेपाली सँस्कृतिलाई जरक्कै ऊचालेको छ भने नेपाली एकता र पहिचान लाई शिरमा राख्ने काम गरेको छ । भैलीधौसीको मनोरँजन, आपसि एकता हार्दिकतालाई आइन्दा नेपालीहरु कुरेरै बस्नेगरि थप छाप छाडन सफल भएको छ । फाइब ओ वान सि थ्रि आऊन ढिला भएर अलि सुस्ताए जस्तो देखिएको पशुपतिनाथ बुद्द फाऊण्डेशन ले यसपाली सो आएको सन्देश दिदै भैलिधौसीमा जुटदा तिनै दिनको भैलिधौसी भएपनि बिगतका बर्षहरुको ४ रै दिनको भैलिधौसी जत्तिकै  सहयोग सँकलन गर्नमा सफल रहेको नजिकबाट कार्यक्रम नियाल्ने नेपालीले बताएका छन । बिदेशि भुमिमा रहेर पनि स्वदेशी सँस्कृतिमा रमाऊदै रचनात्मक कार्यक्रम अगाडी बढाऊने फाऊण्डेशनलाई अब झन सबैतिर बाट सहयोग हुनेमा फाऊण्डेशनका पदाधिकारी ढुक्क भएका छन । 

धन्यवाद

(नोट : यस समाचार मा दानकर्ताको नामावली राखिएको छैन यथाशिघ्र फाऊण्डेशनको नया वेबसाइड www.pabfone.org मा राखिनेछ प्रतिक्षा गर्नुहोला ।  सँपादक )